Բրիտանական 120 հոգուց բաղկացած SAS (Special Air Service) էլիտար հատուկջոկատայիններ Սիրիայում վարում են ակտիվ ռազմական գործողություններ՝ քողարկվելով ԻՊ խմբավորման անվան տակ:
Այս մասին գրում է բրիտանական Sunday Express պարբերականը, նշելով, որ ամերիկյան հրամանատարության ներքո գտնվող զորաջոկատը կոալիցիոն ուժերի կազմում հայտնաբերում ու ոչնչացնում է իսլամականների ռազմապահեստներն ու զինատեխնիկան:
Բացի այդ սիրիական ընդդիմությանը ուսուցանելու նպատակով Սաուդյան Արաբիա են ժամանել բրիտանական 20 հրահանգիչներ: Դա հենց այն ընդդիմությունն է, որ Բարաք Օբամայի օգոստոսի 3-ի հրամանագրով ստացել է ամերկյան օդուժի օժանդակությունը: Այս մասին հաղորդում է Երրորդ համաշխարհային պատերազմ պորտալը:
Փորձագետների կարծիքով ամերիկյան ու բրիտանական հատուկ ծառայություները Սիրիայում իրականացնում են մի շարք այլ գործառույթներ: Կոալիցիայի օդուժի հարվածները ԻՊ դիրքերին դեռեւս ցանկալի արդյունք չեն տալիս, ուստի հատուկջոկատայինները ներգրավվում են ռազմական գործողություններին, ինչպես նաեւ նպատակ հետապնդում Սիրիայում իրականացնել լիբանանյան տարբերակն ու կազմակերպել Բաշար Ասադի տապալման գործընթացը:
