Թեհրանի «Արասբարան» մշակութային համալիրում բացվել է «Հայոց ցեղասպանության լուսաբանումը՝ համաշխարհային մամուլի առաջին էջերին» երկօրյա ցուցահանդեսը` Հայոց ցեղասպանության 100-րդ տարելիցի` Թեհրանի Հայոց թեմի հանձնախմբի նախաձեռնությամբ: Պարսկալեզու լսարանի համար նախատեսված ցուցահանդեսում ներկայացված է շուրջ 60 լուսանկար, որոնք համապատասխան թերթերում հրապարակված առաջին էջերի կրկնապատկերներն են:
Խոսելով ցուցահանդեսի մասին` Հայոց ցեղասպանություն թանգարան-ինստիտուտի տնօրեն Հայկ Դեմոյանը շեշտել է, որ մարդկության դեմ հանցագործությունը կանխարգելող ամենաազդեցիկ միջոցը Ցեղասպանության ճանաչումն ու դատապարտումն է:
