Ստամբուլի Քադըքյոյ թաղամասի հայկական եկեղեցում դեկտեմբերի 7-ին բռնկված հրդեհի պատճառը պարզվել է:
Ինչպես տեղեկացնում է «Ակօս»-ը, ավելի վաղ արված ենթադրությունները, թե հրդեհը բռնկվել է տեղադրված տոնածառի լույսերի կարճ միացման հետևանքով, հերքվել է. եկեղեցին հրդեհել են միտումնավոր:
Եկեղեցու անվտանգության տեսախցիկները տեսագրել են, թե ինչպես է կասկածյալը մտնում եկեղեցի ու հրկիզում այն:
Կասկածյալը կալանավորվել է: Պարզվել է, որ նա ավելի վաղ դարձյալ նման արարքներ է կատարել:
Հաղորդվում է, որ հրդեհի հետևանքով հազարավոր կրոնական գրքեր ու խտասկավառակներ են այրվել:
