Լenta.ru կայքի փոխանցմամբ՝ երեք չեչեն կանայք սոցցանցերում օգտագործելով կեղծ օգտատերերի հաշիվներ, գումար են շորթել «ԻՊ» ահաբեկչական կազմակերպության անդամից։
Չեչենուհիները կապվել են ահաբեկիչների հետ, որոնք նրանց հրավիրել են Սիրիա: Կանայք ցանկացել են միանալ ահաբեկիչների խմբավորմանը, սակայն գումար չունեն տոմսեր գնելու համար: Պատրաստակամությունը հաստատելու համար նրանք ուղարկել են լուսանկարներ, որտեղ երևում են իրենց դեմքերը:
ԻՊ-ի անդամները նրանց էլեկտրոնային հաշիվներին գումար են փոխանցել: Սակայն, գումարը ստանալով՝ չեչենուհիները դադարեցրել են ահաբեկիչների հետ շփումները և ջնջել են սոցցանցերի կեղծ հաշիվները:
Այժմ այս գործով զբաղվում են իրավապահները, և կատարվում է հետաքննություն։
