Թուրքիան եւ Ռուսաստանը չեն կարողացել «Թուրքական հոսք» նախագծի շուրջ տարվող բանակցություններում պլանավորած առաջընթացն ունենալ Թուրքիայում հունիսի խորհրդարանական ընտրություններից հետո երկրում կառավարության ձեւավորման հետ կապած խնդիրների պատճառով։ Այս մասին Hurriyet-ին տված հարցազրույցում հայտարարել է Թուրքիայի էներգետիկայի եւ բնական պաշարների նախարարի օգնական Սեֆա Սադիք Այթեքինը, գրում է ՏԱՍՍ-ը։
«Ներկայումս մեզ չի հաջողվում առաջընթաց գրանցել բանակցային գործընթացում։ Ռուսաստանը «Գազպրոմի» եւ Botas-ի միջեւ գազի զեղչի բանակցությունները սկսել է որպես ՌԴ-ի եւ Թուրքիայի միջեւ բանակցությունների փոխհատուցում։ Թուրքական կառավարություն ձեւավորելու անհաջող փորձերի պատճառով երկու երկրների միջեւ բանակցությունները ընդամենը դադարեցվել են, այլ ոչ թե ավարտվել»,- ընդգծել է Այթեքինը։
