Լիտվայի Ցեղասպանության զոհերի թանգարանում մարտի 16-ին «Հայոց ցեղասպանության լուսաբանումը միջազգային մամուլի առաջին էջերին» խորագրով ցուցահանդեսի բացմանը ելույթով հանդես է եկել Լիտվայի Սեյմասի՝ Հայաստանի հետ միջխորհրդարանական կապերի խմբի ղեկավարի տեղակալ Ալգիս Կաշետան: Այս մասին տեղեկացնում է ՀՀԿ-ի լրատվական ծառայությունը։
Նա նշել է, որ Ցեղասպանությունը հանցագործություն է մարդկության նկատմամբ: Ալգիս Կաշետայի դիտարկմամբ ՝ մեկուկես միլիոն հայերի հետ մեկտեղ ոչնչացվել է նաև հայկական մշակութային ժառանգությունը։
Լիտվացի խորհրդարանականը ընդգծել է, որ Հայոց ցեղասպանության դատապարտումը համայն մարդկության խնդիրն է : «Մենք չպետք է լռենք , այլ պետք է գործենք»,- նշել է նա:
