Ստամբուլի Մխիթարյան հայկական դպրոցի ուսանողները շրջել են քաղաքի պատմական շինությունների մոտով և փորձել են գտնել Սիլիվրիում ծնված հայ բանաստեղծ Ռուբեն Սևակի տան հետքը:
Ինչպես տեղեկացնում է Hye Tert-ը, դպրոցի աշակերտները, ուսուցիչ Սևան Դեյիրմենջյանի ուղեկցությամբ, այցելել են Սիլիվրի: Նրանք տեղեկություններ են ստացել Սիլիվրիի համայնքապետի տեղակալ Էմիներ Թարինից և փորձել են գտնել շրջանի պատմական շենքերը:
Իրենց հավաքած տեղեկությունների միջոցով աշակերտները շարունակելու են աշխատանքը:
Ռուբեն Սևակը ծնվել է 1885 թվականին Սիլիվրիում: Բազմաթիվ պարբերականներում հրապարակել է բանաստեղծություններ ու հոդվածներ: Օսմանյան բանակում ծառայության անցած Սևակը սպանվել է 1915-ին:
