Ֆրանսիայի նախագահ Ֆրանսուա Օլանդը ապրիլի 24-ին ներկա կլինի Հայոց ցեղասպանության 100-րդ տարելիցին նվիրված միջոցառումներին, հայտնել է Ֆրանսիայի ԱԳՆ–ի պաշտոնական ներկայացուցիչ Ռոմեն Նադալը։
«Հանրապետության նախագահը ապրիլի 24-ին կմեկնի Երևան, որպեսզի հարգանքի տուրք մատուցի Հայոց ցեղասպանության զոհերին»,– չորեքշաբթի անցկացված ճեպազրույցի ժամանակ ասել է Նադալը, հայտնում է ՌԻԱ Նովոստին։
Նրա խոսքով` զոհերի հիշատակին նվիրված բազմաթիվ միջոցառումներ կանցկացվեն նաև Ֆրանսիայում, որոնք կկազմակերպեն մշակութային կազմակերպություններն ու ասոցիացիաները, տեղի իշխանությունը։
