ԱՄՆ Վիսկոնսին նահանգի Ռասին քաղաքում ավելի քան 200 հայեր՝ ձեռքերում փայտե խաչեր, հավաքվել են Հայոց ցեղասպանության և անցած դարի մյուս ցեղասպանությունների զոհերի հիշատակին միասնական աղոթք հնչեցնելու, գրում է The Armenian Weekly-ն:
Կիրակի օրը՝ ապրիլի 12-ին կայացած միջոցառումը Հայոց ցեղասպանության 100-ամյակին Վիսկոնսինում նախատեսված հիշատակի արարողություններից մեկն է:
Միջոցառումը կազմակերպել է Վիսկոնսինում Հայոց ցեղասպանության հարյուրամյա տարելիցին նվիրված միջոցառումները համակարգող հանձնաժողովը:
Հատուկ միջոցառման համար պատրաստվել է հարյուր հատ մեծ սպիտակ խաչ:
