Մեծ Պասի վերջին շաբաթը կոչվում է Ավագ շաբաթ:
Ավագ շաբաթը կամ մեծ շաբաթը ս. Զատիկին նախորդող շաբաթն է /Ծաղկազարդից մինչև ս. Զատիկ ընկած յոթնօրյակը: Ավագ է կոչվում նաև այս շաբաթվա յուրաքանչյուր օրը:
Ավագ շաբաթը Հիսուս Քրիստոսի երկրային կյանքի և չարչարանքների վերջին շաբաթն է: Սկսվում է կիրակի օրը՝ Ծաղկազարդով՝ Երուսաղեմ Քրիստոսի մուտքով:
Շաբաթվա յուրաքանչյուր օր ունի իր հոգևոր խորհուրդը:
Այսօր արիլի 14-ին Ավագ Եկրուշբթի է և հիշատակվում է չորացած թզենու և Տաճար մաքրելու օրը:: /Հիսուս առավոտյան, երբ քաղաք վերադարձավ, քաղց զգաց: Եվ ճանապարհի վրա մի թզենի տեսնելով՝ եկավ դեպի այն և նրա վրա ոչինչ չգտավ,այլ միայն տերև: Եվ թզենուն ասաց.«Այսուհետև քեզնից հավիտյան պտուղ չլինի»: Եվ նույն պահին թզենին չորացավ/: Մարթ./21:18:19/
Պտուղն այլաբանորեն խորհրդանշում է մարդկային բարի գործերն ու առաքինությունները, որոնցից զուրկ մարդը կպատժվի այս թզենու օրինակով: Ինչպես ասում է Ս. Հակոբոս առաքյալը. «Հավատքն առանց գործերի մեռած է» (Հակ. Բ 20):
Եվ այդ օրը նաև Տաճարը մաքրելու օրն է / Հիսուս մտավ տաճար ու դուրս հանեց բոլոր նրանց, որ տաճարի մեջ վաճառում ու գնումներ էին անում. Նա շուռ տվեց լումայափոխների սեղաններն ու աղավնավաճառների աթոռները: Եվ նրանց ասաց.«Գրված է՝ իմ տունը աղոթքի տուն պիտի կոչվի, իսկ դուք ավազակների որջ եք արել այդ» /Մարթ 21:12:13/
Ավագ երկուշաբթին ս. Զատիկի հետ 35 օրվա շարժականություն ունի, իսկ Ավագ շաբաթվա մյուս օրերը հաջորդում են նույն հերթականությամբ: