«Ստեփանակերտ» թիմը նվաճել է բասկետբոլի կանանց Հայաստանի առաջնության չեմպիոնի կոչումը: Խաղային վերջին օրը «Ստեփանակերտը» հաղթել է ԽՄՕՄՄ-ին՝ 50:26:
«Գյումրին» 22:38 հաշվով պարտվել է «Գրանդ Սպորտին», իսկ «Նաիրի» - «Էրեբունի» հանդիպումն ավարտվել է 42:60 հաշվով, հաղորդում է ՀԱՕԿ լրատվության բաժինը:
Շրջանաձեւ մրցակարգով անցկացվող առաջնությունում հինգ խաղում նույնքան հաղթանակ է տարել «Ստեփանակերտը» (10 միավոր): 9 միավորով երկրորդ տեղում է «Գրանդ Սպորտը», եռյակը եզրափակում է «Էրեբունին»:
