Ներողություն խնդրելը և հաշտեցումը ամենակարևոր քայլն է: Այս մասի այսօր «Ընդդեմ Ցեղասպանության հանցագործության» միջազգային ֆորումի ժամանակ ասաց Ֆրանսիայի խորհրդարանի պատգամավոր Ֆրանսուա Ռոշբլուանը՝ իր խոսքն ուղղելով Թուրքիային:
«Տարիների ընթացքում պաշտոնական Թուրքիայի արձագանքը շարունակում է մնալ ժխտումը և կեղծիքը, սակայն ես Հայոց ցեղասպանության ժխտման մեջ տեսնում եմ նաև այլ զայրացուցիչ դրսևորում, որը սպառնալիք է հանրային ազատությունների համար. մշտապես ոտնահարում է մարդկանց արդարությունը»,- ասաց նա և նշեց, որ քրեական պատիժ պետք է սահմանել նման գործելակերպի համար, որ հնարավոր չլինեն ցեղասպանական գործողություններով խոսել:
Նա նշեց, որ Ֆրանսիան՝ մարդու իրավունքների և ազատությունների հայրենիքը, հավատարիմ է մնաց իր կոչմանը:
«Միջազգային իրավունքով Ցեղասպանության հանցագործությունը դատապարտված է, քրեական պատիժ նույնպես պետք է հռչակվի համաշխարհային մակարդակով: Ցավում եմ, որ Ֆրանսիայում Սահմանադրական խորհուրդը խոչընդոտեց նման օրենքի ընդունումը, սակայն մենք շարունակում ենք մեր աշխատանքները՝ խոչընդոտները վերացնելու համար»,-ասաց նա և նշեց, որ իրենք՝ որպես խորհրդարանականներ, իրենց վրա զգում են նաև թուրքական ճնշումները:
«Կեցցե Հայաստանը»,- եզրափակեց իր ելույթը պատգամավորը: