Ձյուդոյի Հայաստանի մեծահասակների հավաքականի գլխավոր մարզչի պաշտոնը կարող է ստանձնել Եվրոպայի չեմպիոն Արմեն Նազարյանը:
«Հավաքականի գլխավոր մարզչի հիմնական թեկնածուն Արմեն Նազարյանն է, ով որպես մարզիկ բավականին լավ արդյունքների է հասել: Մարզիկներն ընդունում են Նազարյանին:
Մենք Արմենին ենք ընտրել, քանի որ նա աշխատում է Ֆերդինանտ Կարապետյանի հետ և կարծում ենք կկարողանան հասնել մինչև օլիմպիական վարկանիշ: Սակայն վերջնական որոշում կկայացվի միայն ֆեդերացիայի ընդհանուր ժողովից հետո»-ՀԱՕԿ պաշտոնական կայքը մեջբերում է Հայաստանի ձյուդոյի ֆեդերացիայի նախագահ Վարդան Ոսկանյանի խոսքերը:
Հայաստանի ձյուդոյի ֆեդերացիան ընդհանուր ժողով կանցկացնի առաջիկա օրերին:
ՀԱՕԿ մամլո ծառայություն
