Դորտմունդի «Բորուսիայի» եւ ֆուտբոլի Հայաստանի ազգային հավաքականի կիսապաշտպան Հենրիխ Մխիթարյանը դեկտեմբերի 30-ին այցելել է «Արաբկիր» բժշկական կենտրոն: Նրա հետ են եղել նաեւ «Փյունիկի» ֆուտբոլիստներ Դավիթ Մանոյանը, Կամո Հովհաննիսյանը, Վարազդատ Հարոյանը եւ Տարոն Ոսկանյանը, փոխանցում է ՀՖՖ կայքը:
Անցնելով տարբեր բաժանմունքների հիվանդասենյակներով եւ մեկ առ մեկ զրուցելով երեխաների հետ, ֆուտբոլիստները երեխաներին հանձնել են ՀՖՖ-ի նվերների փաթեթներ, լուսանկարվել ու զրուցել են նրանց հետ եւ նվիրել ինքնագրերով լուսանկարներ: Ավելի քան մեկ ժամ ազգային հավաքականի ֆուտբոլիստներն անցկացրել են այն երեխաների հետ, որոնք Ամանորի գիշերը դիմավորելու են բժշկական կենտրոնում:
