ՈՒկրաինական korrespondent.net-ը փոխանցում է, որ Ուկրաինայի հակամենաշնորհային հանձնաժողովը Ուկրաինայի տարածքով գազի տարանցման շուկայում մենաշնորհային դիրքի չարաշահման համար տուգանել է ռուսական «Գազպրոմ» ընկերությանը:
«Հենց նոր որոշում է կայացվել Ուկրաինայի տարածքով «Գազպրոմ» ընկերության կողմից հիմնական խողովակաշարերով բնական գազի տարանցման շուկայում մենաշնորհային դիրքի չարաշահման մասին: Տուգանքի չափը կազմում է 85 միլիարդ գրիվնա»,- Facebook-ի իր էջում գրել է Ուկրաինայի հակամենաշնորհային հանձնաժողովի ղեկավար Յուրի Տերենտևը:
