Բոլորս գամված ենք հեռուստաէկրանին: Մի քանի րոպե և գոոոոլ…..համացանցում ու մեր տներում նրա անունն է ՝ Հենրիխ Մխիթարյան:
Wnews.am-ը շարունակում է ներկայացնել հայ հեղինակավոր եւ սիրված անձանց ընտանիքները։ Այս անգամ ներկայացնում ենք Դորտմունդի «Բորուսիայի» եւ Հայաստանի ազգային հավաքականի կիսապաշտպան Հենրիխ Մխիթարյանի ընտանիքը։
Սիրված ֆուտբոլիստի հայրը եւս ֆուտբոլիստ էր։ Համլետ Մխիթարյանը 1980-ից մինչեւ 1987-ը Երեւանի Արարատի կազմում հանդես էր գալիս նախկին ԽՍՀՄ Բարձրագույն խմբի առաջնություններում` անցկացնելով 168 հանդիպում եւ խփելով 46 գնդակ: 1989-ին Մխիթարյանների ընտանիքը տեղափոխվեց Ֆրանսիա: Համլետ Մխիթարյանը հինգ տարի անցկացրեց Վալանսի կազմում` 112 խաղում խփելով 30 գոլ: Հայաստանի ազգային հավաքականի կազմում Համլետ Մխիթարյանը հասցրեց խաղալ երկու հանդիպումներում: Նա մահացավ 33 տարեկանում:
Համլետ Մխիթարյանն ապագա կնոջ՝ Մարինայի, հետ ծանոթացել է Ծաղկաձորում, որտեղ երկուսն էլ հանգստանալու էին գնացել: Մարինան այդ ժամանակ ընդամենը 15 տարեկան էր, ու իր հանգիստն էր վայելում ընկերուհու հետ:
Լուսանկարում Հենրիխ ՄԽիթարյանի ծնողներն են՝ Համլետ Մխիթարյանն ու Մարինա Թաշչյանը:
Մարինայի ծնողները դեմ էին, որ նա կյանքը կապի ֆուտբոլիստի հետ, ու հիմնական պատճառն այն էր, որ Համլետը հաճախ էր հանդիպումների պատճառով բացակայում քաղաքից ու չէր կարողանա ընտանիքին բավականաչափ ժամանակ տրամադրել, սակայն սերը հաղթեց ամեն ինչ. 5,5 տարի հանդիպելուց հետո Հենրիխի ծնողներն ամուսնացան։
Ամբողջական հոդվածը կարող եք կարդալ այստեղ
