Օլիմպիական խաղերի բրոնզե մեդալակիր, աշխարհի կրկնակի և Եվրոպայի առաջնության եռակի չեմպիոն Արթուր Ալեքսանյանը լավագույնն է 98 կգ քաշային կարգում:
Ըմբշամարտի համաշխարհային միության (UWW) հրապարակած աղյուսակում 66 կգ քաշային կարգում Եվրոպական առաջին խաղերի արծաթե մեդալակիր Միհրան Հարությունյանը 4-րդ տեղում է, հայտնում է ՀԱՕԿ-ի պաշտոնական կայքը:
75 կգ քաշային աշխարհի և Եվրոպայի չեմպիոն Արսեն Ջուլֆալակյանը 9-րդ, իսկ Հայաստանի հավաքականի անդամ Կարապետ Չալյանը՝ 13-րդ: 80 կգ քաշային Ռաֆիկ Մանուկյանը 17-րդն է:
Ըմբշամարտի համաշխարհային միությունը վարկանիշային նոր աղյուսակը կազմել է Դան Կոլովի և Նիկոլա Պետրովի անվան ըմբշամարտի միջազգային մրցաշարի արդյունքներով:
