Գրոսմայստեր Կարեն Գրիգորյանն այս օրերին մասնակցում էր Իսպանիայում անցկացվող ավանդական Դե Լա Ռոդա շախմատային միջազգային մրցաշարին։
Մրցաշարին այս տարի մասնակցում էին 16 երկրի 300 շախմատիստ, այդ թվում 16 գրոսմայստեր և 7 միջազգային վարպետ: Գրիգորյանը մրցաշարն անցավ առանց պարտության և 9 հնարավորից վաստակելով 7,5 միավոր դարձավ մրցաշարի միանձնյա հաղթող:
2-րդ հորիզոնականը զբաղեցրեց պերուացի հանրահայտ գրոսմայստեր Գրանդա Զունիգա Խուլիոն, իսկ լավագույն եռյակը եզրափակեց իսպանացի գրոսմայստեր Պերես Կանդելարո Մանուելը:
