Եվրատեսիլ-2016 երաժշտական մրցույթի կազմկոմիտեն արգելել է հանդիսատեսին և մասնակիցների աջակցող թիմերին Ստոկհոլմի համերգասրահի առջև , ինչպես նաև մրցութային օրերի հեռարձակման ժամանակ ծածանել առանձին տարածաշրջանների դրոշներ, գրում է Ura.ru –ն:
Արգելվածների ցուցակում տեղ են գտել «Իսլամական պետության» (ՌԴ-ում արգելված ահաբեկչական կազմավորում), հյուսիսային Կիպրոսի, Կոսովոյի, Բասկերի երկրի, Պակիստանի ազգային ալյանսի, ինչպես նաև Դոնեցկի հանրապետության դրոշները , Լուգանսկի հանրապետության անունն այդ ցուցակում չկա:
Պարբերականը նշում է, որ ղրիմյան թաթարների դրոշը կարող էր օգտագործվել Ջամալայի աջակցուցյան շրջանակներում, ով ներկայացնում է Ուկրաինան: Կիևում էլ վստահեցնում են, որ երգչուհին հանդես կգա դեղնակապույտ դրոշի ներքո:
