«Բարսելոնայի» առաջատար Լեոնել Մեսսին ցանկանում է հարազատ ակումբի հետ նոր պայմանագիր ստորագրելուց հետո տարեկան 50 միլիոն եվրո ստանալ, հայտնում է Marca-ն:
Մեսսիի գործող պայմանագրի ժամկետը լրանում է 2018 թվականի ամռանը, իսկ կատալոնական գրանդի ղեկավարությունը պատրաստ է նոր ռեկորդային պայմանագիր առաջարկել վերջինիս: Եթե ամեն ինչ հարթ ընթանա, արգենտինացին կդառանա «Բարսելոնայի» ամենաբարձր վարձատրվող ֆուտբոլիստը՝ գերազանցելով Նեյմարին, ով նոր պայմանագրից հետո ստանում է տարեկան 25 միլիոն եվրո:
Հավելենք, որ կատալոնական ակումբի ղեկավարությունը բանակցություններ է վարում նաև Լուիս Սուարեսի հետ պայմանագիրը երկարաձգելու համար:
