Արգենտինայի հավաքականի ավագ Լեոնել Մեսսին հայտարարել է, որ չի վիրավորել Չիլի դեմ խաղի մրցավարի օգնականին:
Հիշեցնենք, որ ՖԻՖԱ-ն որակազրկել է արգենտինացուն, ով բաց է թողնելու ազգային հավաքականի 4 հանդիպում, որոնցից մեկն արդեն բաց է թողել: Այդ խաղում Արգենտինան 2:0 հաշվով պարտվեց Բոլիվիային՝ վտանգելով աշխարհի առաջնությանը մասնակցելու հնարավորությունը:Մյուս խաղերում հարավամերիկյան հավաքականը հանդիպելու է Ուրուգվայի, Վենեսուելայի, Պերուի հետ:
«Իմ խոսքերը չեն վերաբերել մրցավարի օգնականին: Ես դրանք ուղղակի ասել եմ օդի մեջ»,-Մեսսիի խոսքերն է մեջբերում La Nacion-ը:
