Չեմպիոնների լիգայի եզրափակիչ դուրս գալուց հետո Մադրիդի «Ռեալի» գլխավոր մարզիչ Զինեդին Զիդանը հայտարարել է, որ «Յուվենթուսի» հետ հանդիպումն իր համար հատուկ իրադարձություն է:
«Ես «Յուվենթուսը» պահում եմ իմ սրտում: Այդ ակումբը շատ բան է տվել իմ կարիերային: Սակայն այս պահին ես «Ռեալի» մարզիչն եմ և այն իմ կյանքի ակումբն է: Մեզ հիանալի եզրափակիչ է սպասվում»,-ասել է ֆրանսիացին:
Հավելենք, որ «Յուվենթուսում» և «Ռեալում» Զիդանը հանդես է եկել ընդհանուր առմամբ 10 տարի: