Մեծ Բրիտանիայում աճուրդով 400 հազար ֆունտով (650 հազար դոլար) վաճառվել է հսկայական դինոզավրի կմախքը, որը պատահաբար հայտնաբերվել էր ԱՄՆ-ի Վայոմինգ նահանգում, հաղորդում է «Ասոշիեյթիդ փրեսսը»:
Էգ դինոզավրի 17 սմ երկարությամբ եւ 6 մ բարձրությամբ կմախքը հայտնաբերվել էր Վայոմինգի քարհանքերից մեկի մոտ: Դինոզավրի մնացորդները մշակվել էին Նիդեռլանդների լաբորատորիաներից մեկում, որից հետո դրանք ուղարկվել էին Մեծ Բրիտանիա` կցման համար, հաղորդում է «ՌԻԱ Նովոստին»:
Աճուրդը տեղի է ունեցել չորեքշաբթի օրը` Անգլիայի հարավում գտնվող Արեւմտյան Սուսեքս կոմսության Summers Place Auctions աճուրդի տանը: Դինոզավրի կմախքը ձեռք բերած կազմակերպությունը ցանկացել է անհայտ մնալ: Կմախքը նախատեսում են հրապարակային ցուցադրության ներկայացնել:
