«168 Ժամ»-ը ԳՐՈՒՄ Է. «Հայաստանի տնտեսության մեջ մենաշնորհների թիվն ավելի շատ է, քան տարածաշրջանի այլ երկրներում: Շուկաներում կենտրոնացման մակարդակը բարձր է, և տարածաշրջանի այլ երկրների միջին 6 տոկոսի համեմատ Հայաստանի շուկաներում մենաշնորհները կազմում են 19 տոկոս:
Շուկաների 60 տոկոսն օլիգոպոլիկ կամ մենաշնորհային կառուցվածք ունի: Եվրոպայի և Կենտրոնական Ասիայի տարածաշրջանում Հայաստանը վերջին տեղն է զբաղեցնում նաև հակամենաշնորհային քաղաքականության արդյունավետության և ներքին մրցակցության ուժգնության տեսանկյունից: Այս գնահատականները ներկայացված են Համաշխարհային բանկի՝ «Հայաստանի Հանրապետություն. Կուտակում, մրցակցություն, միւսկցելիություն» նոր զեկույցում:
Զարմանալին այն է, որ նույն ՀԲ-ն տարբեր առիթներով գովեստի խոսքեր է շռայլում ՀՀ կառավարության հասցեին և պատրաստվում նորանոր, հարյուրավոր միլիոնների վարկեր տրամադրել: