Նյու Յորքում օրերս կայացած ՄԱԿ-ի 69 րդ նստաշրջանում սպորտի մասին առաջին անգամ պատմական հայտարարություն է արվել` օլիմպիական շարժումը և սպորտը ինքնավար կառույց պետք է հանդիսանան:
ՄՕԿ-ի նախագահ Թոմաս Բախն այս առթիվ նամակ է ուղարկել բոլոր 205 ազգային օլիմպիական կոմիտեների նախագահներին, որում կոչ է արված իրենց երկրներում ամրապնդել սպորտի ինքնավարությունը և իշխանությունների հետ հարաբերություններում պաշտպանել այդ սկզբունքը:
Այս մասին տեղեկացնում է Հայաստանի ազգային օլիմպիական կոմիտեն:
Այդ որոշմամբ սպորտը մի մեխանիզմ է, ոըը նպաստում է մարդու դաստիարակության, առողջության ամրապնդման և միջազգային համերաշխության գործին: Նման պարագայում չափազանց մեծ է միջազգային և ազգային օլիմպիական կոմիտեների դերը: Խոշոր, պաշտոնական մրցաշարերը պետք է անցկացվեն խաղաղաղության, համագործակցության, բարեկամության, հանդուրժողականության նշանաբանով: Այդ կերպ է հնարավոր աշխարհի բոլոր երկրների մարզական պատվիրակությունների մասնակցությունը պատասխանատու մրցումներին: Իսկ ահա ցանկացած բոյկոտը չի համապատասխանում ՄԱԿ-ի հայտարարությանը և սպորտի արժեքներին:
