Զագրեբում անցկացվող բռնցքամարտի Եվրոպայի երիտասարդական առաջնության երրորդ օրը ռինգ դուրս եկած Հայաստանի երկու բռնցքամարտիկ վստահորեն հաղթանակ
գրանցեց իր օգտին և քառորդ եզրափակչի ուղեգիր նվաճեց:
49 կգ քաշային կարգում Ալեն Դանիելյանը 3:0 (30:27, 30:27, 30:26) հաշվով առավելության հասավ Բելառուսի ներկայացուցիչՎլադիսլավ Կալյանցի նկատմամբ: Նրա
հաջորդ մրցակիցը հունգարացի Դավիթ Կովաչն է:
Այս քաշային կարգում հայտավորված Ուկրաինայի հավաքականի անդամ Ժան Գասպարյանցը 0:3 հաշվով պարտվեց անգլիացի Նիալ Ֆարրելին:
Գերմանիայի պատվիրակ, 81 կգ քաշային Տարոն Հանեսյանը չկարողացավ հաղթել լեհ Մաչեյ Ժուրավսկիին և 0:3 հաշվով տանուլ տվեց հանդիպումը:
Նույնպիսի բախտի արժանացել ևս մի հայազգի բռնցքամարտիկ` Բուլղարիան ներկայացրած 69 կգ քաշային Ռոբերտ Չամասարյանը` 1:2 հաշվով զիջելով անգլիացի Ռուբեն
Արովսմիթին:
Իսկ ահա, Հայասատանի ներկայացնող 91 կգ քաշային Սերյոժա Հակոբյանը 3:0 (30:27, 29:28, 29:28) հաշվով պարտության մատնեց լիտվացի Առլանդաս Տարասկչիչուսին:
Նա հաջորդ փուլում ուժերը կչափի Բելառուսի ներկայացուցիչ Ռոման Կարաչանի հետ:
