Ռուսաստանի Անապա քաղաքում անցկացվող մինչև 16 տարեկան բռնցքամարտիկների Եվրոպայի առաջնության քառորդ եզրափակչում գերծանր քաշային Գուրգեն Հովհաննիսյանը քառորդ եզրափկչում հաղթեց թուրք Սալահաթին Ղոչաօղլուին և իր համար ապահովեց առնվազն բրոնզե մեդալ:
Երկրորդ հաղթանակը տարավ 75 կգ քաշային Վան Մելքումյանը: Նա 1/8 եզրափակչում առավելության հասավ վրացի Տարաս Կանդելակիի նկատմամբ և քառորդ եզրափակչի ուղեգիր նվաճեց: Նույնպիսի պատվի արժանցավ նաև 1/8 եզրափակչում իր օգտին հաղթանակ գրանցած 48 կգ քաշային Վահե Բադալյանը, որը առավելության հասավ Իսրաելի ներկայացուցիչ Ֆեդի Մալակխի նկատմամբ: Իսկ ահա, 46 կգ քաշային Ժիրայր Սարգսյանը և 70 կգ քաշային Հայկ Հովհաննիսյանը պարտություններ կրեցին և դուրս մնացին պայքարից: Առաջինը զիջեց արդբեջանցի Ռուսլան Ռուստամովին, իսկ երկրորդը՝ Բելառուսի պատվիրակ Նիկիտա Կրասնաբաևին: