Թեթևագույն քաշային կարգում WBA վարկածով պրոֆեսիոնալ մարզուհիների աշխարհի չեմպիոն 27-ամյա Սյուզի Քենտիկյանը պաշտպանեց տիտղոսը:
Գերմանիայում մարզվող և մրցելույթներ ունեցող հայ մարզուհին 10 ռաունդանոց մրցամատում միավորներով հաղթեց ճապոնուհի 39-ամյա բռնցքամարտիկ Նաոկո Ֆուդզիոկային:
Ռինգում հավասար պայքար էր ծավալվել: Այդուհանդերձ, հայ մարզուհին ոչ մեծ առավելություն ուներ: Մրցավարների որոշմամբ հաղթանակը շնորհվեց Քենտիկյանին:
Հաջողությունից հետո հետո ռինգում բարձրաձայնվեց, որ հաղթանակը նվիրվում հայերի ցեղասպանության 100-ամյա տարելիցին:
Հավելենք, որ Քենտիկյանն այս տարվա մայիսի 31-ին մրցել էր IFBA վարկածով աշխարհի չեմպիոն Դան-Բի Քիմի հետ և 9-րդ ռաունդում տեխնիկական նոկուտով հաղթել:
