Երևանի «Դինամո» մարզասրահում այսօր պայքարը շարունակեցին Վաչիկ Մկրտչյանի բռնցքամարտի հուշամրցաշարի մասնակիցները: Ռինգ էին դուրս եկել 56 կգ, 64 կգ, 69 կգ, 81 կգ, 91 կգ և +91 կգ քաշային մարզիկները:
Ներկայացնենք տարբեր քաշային կարգերում արձանագրված ուշագրավ իրադարձությունները:
56 կգ քաշային, Հայաստանի գործող չեմպիոն Հենրիկ Մոքոյանը առավելության հասավ Վահան Սարգսյանի նկատմամբ:
64 կգ քաշային, գյումրեցի Հովհաննես Բաչկովը դժվարին պայքարում հաղթեց Ռադիկ Գրիգորյանին:
69 կգ քաշային Վլադիմիր Մարգարյանը վստահ հաղթանակ տարավ Մովսես Թորոսյանի նկատմամբ:
81 կգ քաշային, 2012-ի աշխարհի երիտասարդների չեմպիոն Նիկոլ Արությունովը հաղթեց Լևոն Բաբայանին և եզրափակչում հանդես գալու իրավունքի արժանացավ:
Եզրափակչի ուղեգիր նվաճեց նաև Վազգեն Շահվերդյանը, որը պարտության մատնեց Արամ Ջավադյանին:
91 կգ քաշային Ռազմիկ Հարությունյանը պարտվեց Ռաֆայել Սիմոնյանին: Իսկ Հենրիկ Սարգսյանը առավելության հասավ Արթուր Համբարձումյանի նկատմամբ: Գերծանր քաշային կարգում եզրափակչի ուղեգիր նվաճեցին Հակոբյան եղբայրները: Կիսաեզրափակչում ավագ եղբայրը՝ Հակոբը հաղթեց Ազատ Դավթյանին, իսկ Նարեկը` առավելության հասավ Արկադի Հարությունյանի նկատմամբ:
