Երևանի «Դինամո» մարզասրահում ավարտվեց Վաչիկ Մկրտչյանի բռնցքամարտի միջազգային հուշամրցաշարը: Անցկացվեցին եզրափակիչ հանդիպումերը:
49 կգ քաշային Արթուր Հովհաննիսյանը պարտության մատնեց Արտյոմ Ալեքսանյանին, 52 կգ քաշային Կորյուն Սողոմոնյանը` Նարեկ Աբգարյանին, 56 կգ քաշային Էրիկ Պետրոսյանը` Արսեն Պողոսյանին: 60 կգ քաշային կարգում անակնկալ մատուցեց Սամվել Բարսեղյանը, որը եզրափակչում հաղթեց Հայաստանի չեմպիոն Արթուր Վարդանյանին: 64 կգ քաշային Հովհաննես Բաչկովն առավելության հասավ Արթուր Քիրաջյանի նկատմամբ:
69 կգ քաշային կարգում մրցեցին այս քաշային կարգի Հայաստանի երկու ուժեղագույնները՝ Վլադիմիր Մարգարյանն ու Արման Դարչինյանը: Հանդիպումը շահեց Մարգարյանը:75 կգ քաշային կարգում մրցակցությունից դուրս էր Հայաստանի չեմպիոն, միջազգային մի շարք մրցաշարերի հաղթող Արման Հովհիկյանը, որն իր բոլոր հանդօպումներն ավարտեց ժամանակից շուտ: Վճռական մրցամարտում նրա հակառակորդն Արթուր Սարգսյանն էր:
81 կգ քաշային Նիկոլ Արությունովը մեծ դժվարությամբ առավելության հասավ Վազգեն Շահվերդյանի նկատմամբ:
91 կգ քաշային Հենրիկ Սարգսյանը պարտության մատնեց Ռաֆայել Սիմոնյանին:
Գերծանր քաշային կարգի եզրափակիչում մրցեցին Մելքոնյան եղբայրները՝ Հակոբն ու Նարեկը: Ինչպես և սպասվում էր նրանք ռինգում խնայեցին միմյանց, ի վերջո մրցավարներն արձանագրեցին ոչ-ոքի: