Դեռ բավականին ժամանակ կա մինչև WBO վարկածով բռնցքամարտի գերմիջին քաշային կարգի աշխարհի գործող չեմպիոն Արթուր Աբրահամի և բրիտանացի Փոլ Սմիթի միջև կայանալիք ռևանշ-մրցամարտը: Այն Գերմանիայի մայրաքաղաք Բեռլինում անցկացվելու է փետրվարի 21-ին;
Գրավախաղերի կազմակերպիչները հաղթողի հիմնական հավանորդ են համարում Արթուր Աբրահամին։ Գերմանիայում մարզվող և մրցելույթներ ունեցող հայ բռնցքամարտիկի հաղթանակի համար բուքմեյքերները սահմանել են 1,2, Սմիթի հաղթանակի համար`4,2 գործակիցը։ Ոչ-ոքին գնահատվում է 26 գործակցով։
Հավելենք, որ 2014-ի սեպտեմբերին Աբրահամը միավորներով հաղթել էր Սմիթին:
