Հայաստանի բռնցքամարտի ֆեդերացիայի 7-րդ համագումարում պաշտոնապես որոշում է կայացվել մասնակցել Բաքվում կայանալիք Եվրոպական խաղերին:
Հայաստանի ընտրանու գլխավոր մարզիչ Դավիթ Թորոսյանը հրաժարվել է մարզիկների հետ Բաքու մեկնելուց: ՀԲՖ-ի մամուլի քարտուղարությունից հայտնում են, որ ընտրանին Եվրոպական անդրանիկ խաղերին կմեկնի բռնցքամարտի Հայաստանի երիտասարդական հավաքականի գլխավոր մարզիչ Կարեն Աղամալյանի ղեկավարությամբ:
Ստուգատեսին մասնակցող հավաքականի կազմը պարզ կդառնա Հայաստանի առաջնության ավարտից հետո:
Հիշեցնենք, որ Ադրբեջանի մայրաքաղաքում Եվրոպական խաղերն անցկացվելու են՝ հունիսի 12-ից 28-ը: