Վլադիկավկազի մարզապալատում ավարտվեց օլիմպիական խաղերի կրկնակի չեմպիոն Սոսլան Անդիևի մրցանակների խաղարկության ազատ ոճի ըմբշամարտի միջազգային մրցաշարը, որին Ռուսաստանի մարզիկներից բացի, մասնակցեցին ԱՄՆ-ի, Ուզբեկստանի, Ղազախստանի, Սլովակիայի, Բելառուսի, Ադրբեջանի, Հայաստանի ներկայացուցիչները:
Մրցաշարի երկրորդ օրը պարգևները խաղարկեցին 74, 86, 97 և 125 կգ քաշային ըմբիշները:
Հայաստանի հավաքականից մրցագորգում կարողությունները փորձեցին Գրիգոր Գրիգորյանը, Գևորգ Համբարձումյանը (երկուսն էլ` 74 կգ), Արման Մկրտչյանն ու Խաչիկ Շառոյանը (երկուսն էլ` 86 կգ), Վիկտոր Կազիշվիլին (97 կգ), Հարություն Դիլբարյանը (125 կգ): Ցավոք, Մեր ըմբիշներին նհաջողությունն ուղեկիղ չեղավ: Հայաստանի պատվիրակները անմասն մնացին խաղարկված պարգևներից:
Հիշեցնենք, որ ստուգատեսի առաջին օրը 57 կգ քաշային Գարիկ Բարսեղյանը և Արտակ Հովհաննիսյանը դարձել էին ոսկե և արծաթե մեդալակիր:
