Ղազախսատանի Սեմե քաղաքի մարզապալատում կայացաշ հունահռոմեական ոճի ըմբշամարտի միջազգային մրցաշարում, որին մասնակցում էին Ռուսաստանի, Ուկրաինայի, Լիտվայի, Հարավային Կորեայի, Բելառուսի, Ղրղզստանի, Ուզբեկստանի, Հունգարիայի, Ղազախստանի և Հայաստանի ուժեղագույն ըմբիշները, 85 կգ քաշայինների պայքարում հաղթեց Արթուր Շահինյանը: 27-ամյա մարզիկը, որը Եվրոպայի առաջնությունների կրկնակի բրոնզե կեդալակիր է, եզրափակչում առավելության հասավ Ղրղզստանի պատվիրակ Ազատ Բեյսեբեկովի նկատմամբ և կանգնեց պատվո պատվանդանի առաջին աստիճանին:
Մրցանակներ ու դրամական խոշոր պարգևներ խաղարկվեցին օլիմպիական 6 քաշային կարգերում:
Մյուս 5 քաշային կարգերում հաղթողներ դարձան՝ ռուսաստանցիներ Մինգիյան Սեմյոնովը (59 կգ), Նիկիտա Մելնիկովը (98 կգ), ղազախստանցիներ Այբեկ Եսենխանովը (66 կգ), Նուրմահան Տինալիևը (130 կգ), Հարավային Կորեայի ներկայացուցիչ Կիմ Հու Վոն (75 կգ):