Մարտի 8-ին Երևանում անցկացված ՀՀ աղջիկների և կանանց սամբոյի առաջնությունում Արտաշատը ներկայացնող հինգ մարզիկներ նվաճել են մրցանակային տեղեր:
Արարատի մարզի մենամարտային մարզաձևերի ֆեդերացիայի նախագահ Արթուր Հախումյանցը նշեց, որ աղջիկների մեջ առաջին հորիզոնականն է զբաղեցրել 52 կգ քաշային Լիանա Միքայելյանը, երկրորդ տեղը` 56 կգ քաշային Թամարա Գարամովան: Կանանց մեջ առաջին հորիզոնականներն են զբաղեցրել 48 կգ քաշային Ժաննա Վարդանյանը և 68 կգ քաշային Լիլիթ Պողոսյանը: 56 կգ քաշային Նարինե Բարսեղյանը զբաղեցրել է երրորդ տեղը:
Առաջնությանը մասնակցում էին Երևանից և հանրապետության բոլոր մարզերից ժամանած սամբիստ կանայք և աղջիկներ:
Առաջնության չեմպիոնները նվաճել են ուղեգիր Սերբիայում ապրիլ-մայիսին անցկացվելիք Եվրոպայի առաջնությանը: Այդ առաջնությանը կմասնակցեն նաև արտաշատցի Լիանա Միքայելյանը, Ժաննա Վարդանյանը և Լիլիթ Պողոսյանը: