Հռոմի պապ Ֆրանցիսկոսը հինգշաբթի իր անձնական քարտուղար Ալֆրեդ Կսուերեբային նշանակել է իր հատուկ ներկայացուցիչ Վատիկանի բանկի և Սուրբ գահի ֆինանսների վերահսկողության հանձնաժողովում` հաղորդում է ITAR-TASS-ը:
Ալֆրեդի պարտականությունների մեջ մտնում է պոնտիֆիկին Հռոմեա-կաթոլիկ եկեղեցու տնտեսական վիճակի մասին պարբերաբար տեղեկացնելը:
Առաքելական ուղերձի մեջ ընդգծվում է, որ համաշխարհային տնտեսությունն արատավոր է դարձել, քանի որ ամբողջությամբ կառուցված է «փողի պաշտամունքի վրա»: Պոնտիֆիկի կարծիքով` աշխարհում ձևավորվել է առաջնային խնդիրների ոչ ճիշտ համակարգ: Նրան բարկացնում է այն փաստը, որ անտուն մարդու մահը չի հայտնվում լուրերում, իսկ բանկային ինդեքսի 2 % փոփոխությունը դառնում է սենսացիա:
Պապը հայտարարել է, որ պատրաստ է վերանայել եկեղեցական կառույցների ապակենտրոնացման մասին առաջարկը և Վատիկանին զրկել ներկայիս իշխանության մի մասից:
