Լաս Վեգասում կազմակերպված շախմատի փառատոնի պարգևատրման հիմնադրամը 1 մլն դոլար էր: Գլխավոր մրցաշարին մասնակցեցին 35 երկրների 129 շախմատիստներ, որոնցից 36 գրոսմայստերներ էին, 29-ը՝ միջազգային վարպետներ:
Կարողությունները փորձեցին 5 մեր հայրենակիցներ՝ ԱՄՆ-ում բնակվող գրոսմայստեր Վարուժան Հակոբյանը, միջազգային վարպետ Լևոն Ալթունյանը, Հարություն Հակոբյանը, Հայաստանը ներկայացնող միջազգային վարպետ Դավիթ Կարաթորոսյանը, ՖԻԴԵ-ի վարպետ Աղասի Ինանցը:
Գլխավոր մրցանակը՝ 100 հազար դոլարը բաժին հասավ ֆիլիպինցի գրոսմայստեր Վեսլի Սոյին:
Մրցանակներ ստացան առաջին 50 տեղերը զբաղեցնողները:
Մերոնցից լավագույնը 9 հնարավորից 6 միավոր վաստակած Վարուժան Հակոբյանն էր, որը հայտնվեց երկրորդ տասնյակում: Նա ստացավ 2 հազար դոլար: Ինանցը, Ալթունյանն հավաքեցին 5-ական, Հարություն Հակոբյանը՝ 4 միավոր: