Ադրբեջանական մամուլում հրապարակումները շատ են, որ Լևոն Արոնյանը 2015-ին խաղալու է Բաքվում կազմակերպվելիք շախմատի աշխարհի գավաթի խաղարկությունում:
Հիմնավորումն այն է, որ Շախմատի միջազգային ֆեդերացիայի նախագահ Կիրսան Իլյումժինովի օգնական Բերիկ Բելգաբաևը թվիթերյան իր էջում նշել է. «Կարեւոր
իրադարձություն
Երևան կատարած այցի ընթացքում: Լևոն Արոնյանը կմասնակցի Բաքվում կայանալիք 2015 թվականի աշխարհի գավաթի խաղարկությանը: Նա այդ մասին հայտնել է ՀՀ
նախագահ Սերժ Սարգսյանի կազմակերպած ճաշկերույթի ժամանակ»:
Վերհիշենք, որ երբ Բաքվում պետք է կայանար աշխարհի չեմպիոնի կոչման հավակնորդների մրցաշար, Արոնյանը պաշտոնապես հրաժարվեց խաղալ և ՖԻԴԵ-ն փորձեց ելք
գտնել:
Կգնա՞ Արոնյանը Բաքու, թե՞ոչ, դեռ պարզ չէ: Բայց Ադրբեջանում, թշնամաբար տրամադրված միջավայրում կենտրոնանալ և շախմատ խաղալ, նրա համար շատ դժվար կլինի:
