Նոյեմբերի 4-11-ը Մոսկվայում կանցկացվի Տիգրան Պետրոսյանի հիշատակին նվիրված գերմրցաշար:
Հուշամրցաշարի կազմակերպական կոմիտեի նախագահն է Հայաստանի Հանրապետության Նախագահ, Հայաստանի շախմատային ֆեդերացիայի նախագահ Սերժ Սարգսյանը:
Վճռաբեկ հանձնաժողովի նախագահն է գրոսմայստեր Ռաֆայել Վահանյանը:
Մրցաշարին կմասնակցեն Լևոն Արոնյանը (Հայաստան), Վլադիմիր Կրամնիկը, Ալեքսանդր Գրիշչուկը, Ալեքսանդր Մորոզևիչը, Էռնեստո Ինարկիևը (Ռուսաստան), Բորիս Գելֆանդը (Իսրայել), Պետեր Լեկոն (Հունգարիա) և Դին Լիրենը (Չինաստան):
