Ֆրանսիական ՊՍԺ-ի նախագահ Նասսեր ալ–Հելայֆին մեկնաբանել է Իսպանիայի Լա Լիգայի ղեկավար Խավիեր Տեբեսի հայտարարությանը, թե անհրաժեշտ է փարիզյան ակումբին հեռացնել Չեմպիոնների լիգայից: Ալ-Հելայֆիի խոսքերը մեջբերում է AS պարբերականը:
ՊՍԺ-ի նախագահը մասնավորապես նշել է, որ իրենք չեն պատրաստվում պատասխանել Տեբեսի սուտ մեղադրանքներին. «Մենք կարծում ենք, որ իսպանական ֆուտբոլում այլ կարևոր հարցեր կան, որոնց վրա պետք է կենտրոնանա Տեբեսը, այլ ոչ թե փորփրի ՊՍԺ-ի իդեալական ֆինանսական գործերը»:
Ավելի վաղ Լա Լիգայի ղեկավարը հայտարարել էր, որ ՊՍԺ-ն և «Մանչեսթեր Սիթին» պետք է հեռացվեն Չեմպիոնների լիգայից, քանի որ խախտել են ֆինանսական fair-play-ը:
