Ռուսաստանի մայրաքաղաք Մոսկվայում շարունակվող շախմատի Տիգրան Պետրոսյանի հուշամրցաշարի 6-րդ տուրում Լևոն Արոնյանը սպիտակ խաղաքարերով ուժերը չափեց մրցաշարի առաջատարի` ռուսաստանցի գրոսմայստեր Ալեքսանդր Գրիշչուկի հետ: 33-րդ քայլին գրոսմայստերները միմյանց հաշտության ձեռք մեկնեցին: Դա Արոնյանի 6-րդ ոչ-ոքին է այս մրցաշարում:
Վլադիմիր Կրամնիկը (Ռուսաստան) հաղթեց Ալեքսանդր Մորոզևիչին (Ռուսաստան): Պետեր Լեկո (Հունգարիա) - Էռնեստո Ինարկիև (Ռուսաստան), Դինգ Լիժեն (Չինաստան) - Բորիս Գելֆանդ (Իսրայել) մրցամարտերը դեռ շարունակվում են:
