Այսօր Ռուսաստանի Սոչի քաղաքում մեկօրյա ընդմիջումից հետո պայքարը կվերսկսեն շախմատի աշխարհի չեմպիոնի կոչման համար մրցամարտի մասնակիցները`նորվեգացի աշխարհի չեմպիոն Մագնուս Կառլսենը և այդ կոչման հավակնորդ, աշխարհի նախկին չեմպիոն, Հնդկաստանի ներկայացուցիչ Վիշվանաթհան Անանդը:
Կկայանա 5-րդ տուրի պարտիան:
Նախորդ չորս պարտիաներից երկուսն ավարտվել է խաղաղ արդյունքով: Գրոսմայստերները մեկական հաղթանակ են տարել: Ընդ որում, հաջողությունն ուղեկից է եղել այն շախմատիստին, որը խաղացել է սպիտակներով: Այսօր սպիտակ ֆիգուրներով հանդես կգա Անանդը:
