Գրոսմայստեր Լևոն Արոնյաննն ընթացիկ մրցաշրջանում չի արդարացնում սպասելիքները: Շախմատի միջազգային ֆեդերացիան հրապարակել է խաղացողների դասակարգման աղյուսակը: Մեր գրոսմայստերը նահանջել է ևս մեկ քայլ և 5-րդ տեղում է: Առջևում է աշխարհի չեմպիոն, նորվեգացի Մագնուս Կառլսենը:
100 լավագույն գրոսմայստերների շարքում է Հայաստանի ևս 4 խաղացող: Գաբրիել Սարգսյանը (2687) 52-րդն է, Հրանտ Մելքումյանը (2678)՝ 63-րդը, Սերգեյ Մովսիսյանը (2658)՝ 95-րդը, Վլադիմիր Հակոբյանը (2657) ՝ 99-րդը:
Լավագույն տասնյակն այսպիսի տեսք ունի.
1. Մագնուս Կառլսեն (Նորվեգիա)` 2862 վարկանիշ
2. Ֆաբիանո Կարուանա (Իտալիա)` 2829
3. Ալեքսանդր Գրիշչուկ (Ռուսաստան)` 2810
4. Վեսելին Տոփալով (Բուլղարիա)՝ 2800
5. Լևոն Արոնյան (Հայաստան)` 2797
6. Վիշվանաթհան Անանդ (Հնդկաստան)՝ 2793
7. Հիկարու Նակամուրա (ԱՄՆ)՝ 2775
8. Սերգեյ Կարյակին (Ռուսաստան)՝ 2773
9. Վլադիմիր Կրամնիկ (Ռուսաստան)՝ 2769
10. Անիշ Գիրի (Հոլանդիա)` 2768
