Ղազախսատանի Պավլոդար քաղաքում անցկացվող շախմատի միջազգային մրցաշարում, որի պարգևատրման հիմնադրամը 10 հազար դոլար է, կարողություններն է փորձում նաև 25-ամյա գրոսմայստեր Զավեն Անդրիասյանը: Նա 3 հնարավորից վաստակել է 3 միավոր և 6 առաջատարների թվում է:
Լավ է մեկնարկել և վաստակած 3 միավորով մրցաշարային աղյուսակը գլխավորում է նաև 21–ամյա միջազգային վարպետ Վահե Բաղդասարյանը:
Մրցաշարում մրցանակային են 1-15-րդ տեղերը: Շվեյցարական մրցակարգով կայանա 10 տուր: Հաղթողը որպես պարգև կստանա 2400 դոլար:
Այսօր կայանալիք 4-րդ տուրում Անդրիասյանը սպիտակներով կմրցի Ղազախստանի ուժեղագույն գրոսմայստեր Ռինատ Ջումաբաևի, իսկ Բաղդասրայանը սևերով ուժերը կչափի բելառուս գրոսմայստեր Ալեքսեյ Ալեքսանդրովի հետ: