Հայաստանը շախմատային երկիր է համարվում, սակայն մերոնք բաց են թողնում ներկայացուցչական մի շարք մրցաշարեր: Մասնավորապես, Հունգարիայի Դյոր քաղաքում դեկտեմբերի 13-22-ը անցկացվող մինչև 16 տարեկան շախմատիստների Համաշխարհային օլիմպիադայում Հայաստանը թիմ չունի:
Պայքարի ոլորտ է ներգրավվել 37 երկրի 54 հավաքական: Յուրաքանչյուր թիմի կազմում 3 պատանի և մեկ աղջիկ խաղացող է:
Ի դեպ, Հայաստանի հավաքականը 1998-ին և 2010-ին դարձել է օլիմպիադայի չեմպիոն:
Հավելենք, որ Ռուսաստանի հավաքականի 1-ին խաղատախտակի առջև հանդես է գալիս մոսկվացի 16-ամյա միջազգային վարպետ Դավիթ Պառավյանը: Նրա թիմը
մեկնարկային տուրում 4:0 հաշվով առավելության հասավ Ավստրիայի հավաքականի նկատմամբ: Պառավյանը ստիպեց անձնատուր ՖԻԴԵ-ի վարպետ Ֆլորիան Մոսարոսին:
2-րդ տուրում հայ շախմատիստի թիմը մրցելու է Չինաստանի հավաքականի հետ: