Լեհաստանի Վրոցլավ քաղաում կազմակերպված շախմատի կանանց միջազգային մրցաշարի 5-րդ տուրում գրոսմայստեր Լիլիթ Մկրտչյանը սևերով ուժերը չափեց Լեհաստանի առաջատար շախմատիստուհի, 36-ամյա գրոսմայստեր Մոնիկա Սոչկոյի հետ: 58-րդ քայլին մրցակցուհիները միմյանց հաշտության ձեռք մեկնեցին` ոչ-ոքի:
3,5-ական միավորով մրցաշարային աղյուսակը գլխավորում են լեհուհի Կարինա Զեպկովսկա-Հորովսկայան և Բելառուսի ներկայացուցիչ Նաստյա Զյուզյուլկինան: Մկրտչյանն ու իսպանուհի Սաբրինա Վեգ-Գուտիերեսն էլ հետ են մնում կեսական քայլով և բաժանում են 3-4-րդ տեղերը:
Այսօր կայանալիք 6-րդ տուրում Լիլիթը սպիտակներով ուժերն է չափելու Իսպանիան ներկայացնող Աննա Մաթնաձեի հետ:
Մրցաշարին մասնակցում է 5 երկրի 10 շախմտիստուհի: