Հունգարիայի Դյոր քաղաքում շարունակվող մինչև 16 տարեկան շախմատիստների համաշխարհային օլիմպիադան, որին այս անգամ մասնակցում են 37 երկրների 54 հավաքականների 256 շախմատիստներ, մերոնք չեն խաղում:
Ընդ որում, Հայաստանի պատանեկան հավաքականը 1998 և 2010 թվականներին դարձել է այս ստուգատեսի չեմպիոն:
Ռուսաստանի ընտրանին, որ լավագույն խաղացողը մոսկվացի 16-ամյա միջազգային վարպետ Դավիթ Պառավյանն է, 6 անընդմեջ հաղթանակ տանելուց հետո, 7-րդ տուրում անսպասելիորեն 1,5:2,5 հաշվով զիջեց Իրանի թիմին: Առաջինն խաղատախտակի առջև հանդես եկող Պառավյանը ոչ-ոքի ավարտեց հանդիպումը Ահմեդ Ասքարիզադեի հետ:
Խաղացված 7 տուրից հետո 3 հավաքական ունի 12-ական միավոր: Իրանի թիմն անհատական 21 միավորով առաջին տեղում է, ապա հաջորդում են Ռուսաստանի (19,5) և Հնդկաստանի (17,5) հավաքականները:
Չեմպիոնը հայտնի կդառնա դեկտեմբերի 21-ին կայանալիք 10-րդ տուրի ավարտից հետո: