«Սպորտը` հանուն հավասար հնարավորությունների» նշանաբանով Երևանի շախմատի տանն անցկացված միջոցառման ժամանակ ներառական և միջնակարգ կրթություն ստացող 25 երեխա շախմատ խաղաց գրոսմայստեր Լևոն Արոնյանի հետ: Միջոցառումը կազմակերպվում է արդեն 5-րդ անգամ և նպատակ ունի հանրության ուշադրությունը նպատակաուղղել հաշմանդամություն ունեցող մարդկանց համար հավասար հնարավորություններ ստեղծելու աշխատանքին:
Լրագրողների հետ զրույցում անվանի գրոսմյստերը նշեց, որԽ շարունակելու է պայքարել աշխարհի չեմպիոնի տիտղոսի համար:
«Այժմ փորձում եմ վատ խաղերից հետո ռիթմի մեջ մտնել։ Իմ ամբողջ ժամանակը տրամադրում եմ շախմատին, սակայն բացի շախմատ խաղալը, շատ եմ սիրում պարել: Վերջերս հարսնացուս մասնակցեց պարային հաղորդման, ես էլ ցանկություն ունեի այդպիսի հաղորդաշարի մասնակցել, բայց ժամանակը չի բավականացնում»,- ասաց նա:
Ինչ վերաբերում է Բաքվում խաղալուն, նա նշեց, որ մտադիր է հանդես գալ Ադրբեջանում, բայց առայժմ չի կարողացել վերջանական որոշում կայացնել կմասնակց՞, թե՞ ոչ:
«Գիտեմ, որ մեր մյուս մարզաձերի ներկայցուցիչները ևս պատրաստվում են 2015-ի Եվրոպական խաղերին: Դեռևս Հայաստանը վերջնական պատասխան չի տվել: Շատ դժվար հարց է, ամեն մարզիկ ինքը պետք է որոշի՝ մասնակցել, թե ոչ: Շատ եմ մտածել՝ կմասնակցե՞մ, թե ոչ, բայց վերջնական պատասխան դեռ չունեմ»,- եզրափակեց Լևոնը:
