Ֆուտբոլի Գերմանիայի բարձրագույն խմբի առաջնության 8-րդ տուրում Հայաստանի հավաքականի առաջատար խաղացող Հենրիխ Մխիթարյանի թիմը` Դորտմունդի «Բորուսիան», հյուրընկալվելիս 1:2 հաշվով պարտվեց ուժեղագույնների խումբ վերադարձած «Քյոլնին»: Այսպիսով, «Բորուսիայի» ձախորդ օրերը շարունակվում են:
«Բորուսիայի» մեկնարկային կազմում էր վնասվածքն ապաքինած Մխիթարյանը, թեև մինչև հանդիպումն այն տրամադրությունն էր գերիշխողը, որ նա չի խաղա:
Ընդ որում, վնասվածքներից հետո կրկին շարք էին վերադարձել և խաղադաշտում էին նաև Հենրիխի խաղընկերներ Մարկո Ռոյսը և Իլկայ Գյունդողանը, բայց բոլորն էլ անկարող էին փրկել իրենց թիմին նոր անախորժությունից:
«Բորուսիան» 7 միավորով 14-րդ տեղում է: Իսկ ահա, առաջատարը` Մյունխենի «Բավարիան», հնարավորությունը ձեռքից բաց չթողեց: Այն սեփական հարկի տակ 6 անպատասխան գնդակ խփեց աղյուսակի վերջին`18-րդ հորիզոնականը զբաղեցնող Բրեմենի «Վերդերի» դարպասը և միավորների իր պաշարը հասցրեց 20-ի:
Տեխնիկական արդյունքներ
«Քյոլն» - Դորտմունդի «Բորուսիա»՝ 2:1
Կևին Վոգ, 39, Սիմոն Զոլեր, 74 – Չիրո Իմոբիլե, 48
«Բավարիա» - «Վերդեր»՝ 6:0
Ֆիլիպ Լամ, 20, 79, Խաբի Ալոնսո, 27, Թոմաս Մյուլեր, 43 (11 մ) Մարիո Գյոտցե, 45, 86