Երեկ ֆուտբոլի Հունաստանի բարձագույն խմբի առաջնության 6-րդ տուրում Հայաստանի ազգային հավաքականի խաղացող Գևորգ Ղազարյանի թիմը` Պիրեայի «Օլիմպիակոսը», արտագնա խաղում 3:2 հաշվով կամային հաղթանակ տարավ «Էրգոտելիսի» նկատմամբ:
Ղազարյանը թիմակցին` 32-ամյա իսպանացի կիսապաշտպան Դավիթ Ֆուստերին փոխարինեց հանդիպման 58-րդ րոպեին, իսկ 68-ին իր թիմի համար 11 մ-ոց տուգանային հարված կատարելու իրավունք վաստակեց: Այն հստակ իրացրեց Ալեխանդրո Դոմինգեսը, և հաշիվը դարձավ 2:2: Նրա թիմակից Կոստատ Միտրօղլուն էլ մրցավարի կողմից ավելացրած խաղաժամանակում խփեց հաղթական գնդակը:
«Օլիմպիակոսը» վաստակած 13 միավորով հավասարվեց առաջատարին` ՊԱՕԿ-ին:
Հոկտեմբերի 26-ին Ղազարյանի թիմը կհյուրընկալի Աթենքի «Պանատինաիկոսին», որը 10 միավորով 4-8-րդ տեղերը բաժանողների խմբում է: